يمّهْ..
يمّهْ شحجي واعبر
وعن جمايلج شوفي وانذر؟!
كتاب يمّهْ جمايلج
وانا بصفحاته نقطة حبر!
بس اوعدج يمّهْ
جنة اقدامج دوم تزهر
وتفيض ورد وحنان
وللعالم كله محبة تنثر
ومَثلِج يمّهْ مثل
وافعالج تصير الوصايا العشر
واحفظها بدفتر قلبي
ول أولادي أصوغها شعر
واكتبها بماي الذهب
واعلقها عل أبواب الدهر
واقل للناس: اقروا
هاذي أمي ويا محلى الفخر
ويا زينة النسوان ظلّي
شمعة بيتنا وعبير الزهر
وخلّي حبج يداوي
فقر الايام، وهموم العمر
وعل الصبر يمّهْ علمينا
يال ثقافتج دكتوراه بالصبر
ومن عطفج يمّهْ نولينا
يا زين عطفج فرات ونهر
وبحنانج يمّهْ غمرينا
يال حنانج ينابيع وثمر
وانا ودّي اوفيج يمّهْ
بس شيوافي قطر للغيم للبحر