الرئيسية
أحدث الصور
هذا طبعكْ؟!
ولْ منْ فرقتكْ
دمع عيني نهيتهْ
بس هذا طبعكْ
يا جنس حوّا
واتخبّلت آني وما دريتهْ
بس بعدك أدوس عَلى قلبي
وما اقولن هذا حبيتهْ
وعيني ابد ما جابس عينكْ
ما دام الهجُر انتَ بديتهْ
واتحمّل ·· ونْشوف منه يصبرْ
انتَ اللي تفاخرْ بيْ
لو آني لبْقلبي خُفيتهْ
لو آني لبْقلبي خُفيتهْ؟!
******
ولْ هذا طبعكْ
يا جنس حوّا
حليباً اشربْتهْ
وتغدّيتهْ
من يومْ يومكْ
تُهجرْ وتُغدرْ من حبيتهْ
وشنْهوْ السّببْ؟
وانت نفسك ما دريتهْ
تخلقْ أسباب واعْذارْ··
ما يغفرها ربّك ابْيتهْ
وتزعم انك وفي··
والوفا ما مرّه مسّك ومسيتهْ
بس آني ·· عرفت الوفا
وبيدي مشّّطتْ شعرهْ
وشعرةْ·· شعرةْ فليتهْ
شعرةْ·· شعرةْ فليتهْ··
*****
هذا طبعكْ··
يا جنس حوّا
قلوب الشّباب خذيتهْ
وما حافظت على قلبْ منهنْ
إلا وبالسوالفْ الشينةْ رُميتهْ
وتطعنْ بي من قُفَا ظهرهْ
ويا ريت جلماتك بوجهه حجيتهْ
ما جان لامكْ الناس ابدْ
ما دام عرُفت الوِفا ورعيتهْ
بس هذا طبعك
يا جنس حوّا
شيطاناً بجلدك خُفيتهْ
ويا ريت آدم ما طاعج يا حوّا
بس القدر ما يرحم لو اجيتهْ
ويا ريت جفني تِحَجَّرْ
قبل ما شوفجْ يا ريتهْ
يا ريتهْ
*****
هذا طبعكْ
يا جنس حوّا
خبالاً براسك حويتهْ
مثل الطَّبل راسكْ
بس بالتِّبن واللّهْ حِشيتهْ
تحب المظاهرْ والتَّرفْ
وعلى ويش رايك بنيتهْ؟!
وكل من طاعك بيوم
يظل ابد مخروب بيتهْ
بس اقولك: العُمر وردةْ
وتذبل إن ما سقيتهْ
والحَلا مو بالْجسومْ
الحَلا بالْعقُول··
وهالشِّي دريتهْ
وشَسَوِّّي غير ابجي
علي عمرٍ معاك قضيتهْ
بس هذا طبعك
ويا حسافة على أيام مرّن وسليتهْ
ترى آني ما سليتهْ
والله ما سليتهْ··
